पोखरा, ६ मंसीर  l कास्की क्षेत्र नम्बर २ का बाम गठबन्धनका उम्मेद्वारहरुले संयुक्त चुनावी साझा प्रतिबद्धता पत्र सार्वजनिक गरेका छन् । बाम गठबन्धनका कास्की क्षेत्र नम्बर २ का प्रतिनीधि सभाका उम्मेद्वार रबिन्द्र अधिकारी तथा कास्की २ को प्रदेश क्षेत्र नम्बर १ का उम्मेद्वार कृष्ण थापा र कास्की २ को प्रदेश क्षेत्र नम्बर २ का उम्मेद्वार राजकाजी गुरुङ ‘करणले बुधबार संयुक्त साझा पत्र सार्वजनिक गरेका हुन् । उम्मेद्वारहरु अधिकारी, थापा र ‘करण’सहित एमाले निर्वाचन कमिटीका अध्यक्ष सोमनाथ अधिकारी ‘प्यासी’, समानुपातिक उम्मेद्वारहरु तुलबहादुर गुरुङ, प्रभा कोइराला, माओवादी नेता विज्ञानलगायतका नेताहरुले सामुहिक रुपमा साझा प्रतिबद्धता पत्र सार्वजनिक गरेका हुन् ।

साझा प्रतिबद्धता पत्रमार्फत कास्की क्षेत्र नम्बर २ का प्रतिनीधि सभा तथा प्रदेश सभाका बाम गठबन्धनका उम्मेद्वारहरुले समृद्ध पोखरादेखी नमूना क्षेत्र बनाउने घोषणा गरेका छन् । उनीहरुले विगतमा बाम गठबन्धनले गरेका कामहरुको फेहरिस्त प्रस्तुत गर्दै आगामी गर्ने कार्ययोजना प्रतिबद्धता पत्रमा समेटेका छन् । उनीहरुले समृद्ध पोखराका लागि पोखरालाई स्मार्ट सिटी बनाउने र त्यसका लागि अत्याधुनिक सुविधासहितको पर्यटन, शिक्षा, खेलकुद र स्वास्थ्य सेवाको उत्कृष्ट सहर बनाउने उद्घोष गरेको छ । प्रत्येक वडामा एक महिला वा पुरुषलाई रोजगार बनाउने कार्यक्रम लागू गर्ने बताएको छ । ब्यबस्थित दाहसंस्कारका लागि घाट निर्माण गर्ने, सार्वजनिक तथा धार्मिक स्थानको संरक्षण गर्ने प्रतिबद्धता पत्रमा उल्लेख छ । बिपत्तिमा परेका बेला सहयोग गर्न तालिम प्राप्त स्वयम्सेवक जनशक्ति निर्माण गर्ने र त्यसका लागि आवश्यक सामग्री राख्नका लागि गोदाम घर बनाएर सामग्री राख्ने तथा प्रत्येक स्थानिय तहमा प्राकृतिक विपत्तिमा राहत प्रदान गर्न कोष स्थापना गर्ने भनिएको छ । कास्कीका सबै सुकुम्बासी जसले कित्ता काट भएर पनि लालपूजा नभएकालाई लालपूजा तत्काल वितरण गर्ने प्रतिबद्धता जनाएको छ । निर्वाचन क्षेत्र अन्तर्गत पर्ने सबै वडामा एक÷एक वटा वैंक तथा वित्तय संस्थाको शाखा खोलिने र प्रत्येक परिवारलाई निःशुल्क खाता खोल्न ब्यबस्था मिलाइने भनिएको छ ।

बाम गठबन्धन कास्की २ ले प्रदेशको आर्थिक समृद्धी र रोजगारी बृद्धिका लागि उद्योग ब्यबसाय सञ्चालन गर्न स्वेदशी तथा ंिबदेशी पुँजी आकर्षित गर्ने उल्लेख छ । युवा स्वरोजगार कार्यक्रमलाई प्रभावकारी बनाउन कृषि, पर्यटन र साना ब्यबसाय सञ्चालन गर्न आवश्यक सीप, तालिम तथा लगानीमै वातावरण निर्मा गर्ने जनाइएको छ । पोखरालाई पर्यटन, स्वास्थ्य, शिक्षा, खेलकुद, मनोरञ्जन, चलचित्र निर्माण, सूचना प्रविधीलगायतका सेवा प्रदान गर्ने उद्योग सञ्चालन गर्न पूर्वाधार निर्माण गर्ने उल्लेख छ । पोखरादेखी मुस्ताङको कोरला नाकादेखी तिव्वत र नवलपुर भैंसेलोटनबाट भारतसँगको सीमापार ब्यापारमा जोड दिदै राष्ट्रिय स्वाधिनता अनुकुलको अर्थतन्त्रको निर्माण गर्न पहल गर्ने भनिएको छ ।

२० लाख पर्यटक भित्राउने महत्वकांक्षी योजना

बाम गठबन्धनले पोखरामा वार्षिक २० लाख आन्तारिक तथा बाह्य पर्यटक भित्राउने योजना प्रस्तुत गरेको छ । उसले प्राकृतिक सम्पदा र सौन्दर्यले भरिपूर्ण यो क्षेत्रको आर्थिक विकासको मेरुदण्ड पर्यटन भएकाले पोखरालाई पर्यटनको उत्कृष्ट गन्तव्य स्थल बनाएर उक्त संख्यामा पर्यटक भित्राउने योजना ल्याएको हो । पर्यटन विकासका लागि अर्मलाकोट, जुम्लेटी, काहुँ, मौजा, भलाम, निर्मलपोखरी, कृस्ती र भरतपोखरीलगायत पोखरा उपत्यका वरीपरी रहेका डाँडाहरुमा पर्यटन पूर्वाधार विशेष लागू गरी हाइकिङ, दृश्यावलोकन केन्द्र एवम् सूर्योदय र सूर्यास्तको अवलोकन केन्द्रको रुपमा विकास गर्ने भनिएको छ । आवश्यक्ता अनुसार थिम पार्क, बोटानिकल गार्डेन, रिक्रियसन पार्क र भ्यू टावर निर्माण गर्ने प्रतिबद्धता व्यक्त गरिएको छ ।

होम स्टे सेवालाई प्रोत्साहन गरिने

पेखराका प्राकृतिक तथा सांस्कृतिक महत्वका स्थानहरुमा पर्यटन पूर्वाधार निर्माण गर्ने र ग्रामिण बस्तीहरुमा कृषि पर्यटन प्रबद्र्धनका लागि होमस्टे सेवालाई प्रोत्साहन गरिने उल्लेख छ । बाम गठबन्धनले पातले छाँगो र गुप्तेश्वर गुफा क्षेत्रमा सुरक्षा प्रबन्धसहित ब्यबस्थित गर्ने, बाटुलेचौर क्षेत्रमा रहेका महेन्द्रगुफा परिसरमा बानस्पतिक उद्यान र चमेरे गुफा परिसरलाई ब्यबस्थित र सौन्दर्यकरणगरी स्थानियको सहभागीतामा ब्यबसायीक पर्यटन गतिविधि सञ्चालन गर्ने बताएको छ । उसले सराङ्कोट, मट्टिखान, अर्मलाकोट, निर्मलपोखरी, भरतपोखरी, भलाम, मौजा र काहुँ लगायतका डाँडासम्म केबुलकार सेवा सञ्चालन गर्ने प्रतिबद्धता जनाएको छ ।

पर्यटन विकासको पहिलो पूर्वाधार आवागमन सुविधामा बिस्तार गर्न पोखराबाट खैरेनीटार, भिमाद, कावासोतीबाट तराई मधेश जोड्ने फास्टट्रयाकको निर्माण गर्ने, भरतपुर, भैरहवासम्मको हवाई सेवालाई जनकपुर, विराटनगर र नेपालगञ्जता प्रमुख धार्मिक तथा औद्योगिक सहरहरुसम्म बिस्तार गरी नियमित गर्ने जनाइएको छ ।

पोखरा आउने ६० प्रतिशत पर्यटकको रोजाईमा रहेको साहसिक पर्यटन प्रवद्र्धन गर्न उत्तरतर्फ मनाङ र मुस्ताङसम्म जाने पदमार्गको पहिचान तथा सवेक्षण र विकास गरिने तथा मट्टिखान, निर्मलपोखरी, भरतपोखरी र काहुँ, भलाम, मौजा, अर्मलाकोटसम्म डाँडाको धुरी हुँदै गरिने रिजिलिन टे«किङलाई प्रबद्र्धन गर्ने भनिएको छ ।

पोखराको सुन्दरता बढाउन तथा हरियाली प्रवद्र्धन गर्न शान्ति वनवाटिका, वनपाले डाँडा, बौद्ध गुम्बा क्षेत्र, भलामको हरिहर गुफा, चमेरे गुफा माथिको वन क्षेत्रलगायतका स्थानलाई सहरी वन कार्यक्रम मार्फत जैविक विविधता पार्क र बानस्पतिक उद्यान स्थापनाग गरी वातावरणीय सन्तुलन एवम् पर्यटन प्रवद्र्धनमा जोड दिइने जनाइएको छ ।

पोखरामा पर्यटन, कृषि तथा वन, स्वास्थ्य, ईञ्जिनिरिङ र सूचना प्रविधि सम्बन्धी प्राविधिक तथा ब्यबसायीक शिक्षाका लागि महाविद्यालयहरु सञ्चालन गर्ने प्रतिबद्धता पत्रमा उल्लेख छ । वन, वन्यजन्तु, जैविक विविधता र वातावरणको अध्ययन अनुसन्धान गर्ने मानित विश्वविद्यालय स्थापना गर्न पहल गर्ने भनिएको छ । प्रत्येक वडामा वाचनालयक खोल्न तथा प्रत्येक वालवालिकालाई अनिवार्य विद्यालय पठाउनका लागि आवश्यक कार्यक्रमहरु लगू गरिने उल्लेख छ ।

प्रत्येक घरमा एक स्नातक कार्यक्रम लागू गर्ने र गरीब, विपन्न तथा असक्त व्यक्तिका छात्रवृत्ति सञ्चालन गर्ने तथा उनीहरुलाई रोजगारीमूलक ब्यबसाय सञ्चालनका लागि निःशुल्क ज्ञान, सीप दिइने भनिएको छ ।

विन्ध्यबासिनी, भद्रकाली, तालवाराही, राम मन्दिर, केदारेश्वर, भलामको हरिहर गुफालगायत त्यहाँका मठ, मन्दिर, बौद्ध गुम्बाहरु र मस्जिदहरुको संरक्षण, जिर्णोद्धार गरी प्रचारप्रसार गर्दै धार्मिक पर्यटनको विकास गरिने जनाइएको छ ।

बाम गठबन्धनले महानगरका सवै वडाहरुमा एकीकृत सेवा केन्द्र, स्वास्थ्यचौकी, सामुदायिक सेवा भवन र सुरक्षा चौकहरु निर्माण लागि गुरु योजना निर्माण गरेर कार्यान्वयन गर्ने प्रतिबद्धता जनाएको छ । उसले पोखराको मूख्यबजारसहित अर्मला,भलाम, काहुँ, कृस्ती, निर्मलपोखरी र भरतपोखरीमा सञ्चालित साना सहरी र सह लगानीका निर्माणाधिन खानेपानी आयोजनालाई प्रवद्र्धन गर्दै एक घर एक धाराको नीति लागू गर्ने र त्यसलाई कार्यान्वयन गर्ने भनेको छ । नागरिकलाई स्वस्थ बनाउन मनोरञ्जन पार्क बनाउने, विहम स्थल, वालउद्यान, खेलकुद मैदान, युवाहरुको लागि व्यायामशाला बनाउने तथा जेष्ठ नागरिकलाई प्रवचन, भजनकिर्तन गर्ने भवन निर्माण गर्ने भनिएको छ । पोखरा स्वास्थ्य विज्ञान प्रतिष्ठानलाई राष्ट्रिय अनुसन्धानमूलक स्वास्थ्य केन्द्रका रुपमा विकास गर्ने उल्लेख छ ।

ग्रामिण क्षेत्रलाई सडक सञ्जालले जोड्ने

बाम गठबन्धनले यातायाततर्फ सबै ग्रामिण क्षेत्रबाट वडा केन्द्रसम्म र त्यहाँबाट नगरपालिकाको केन्द्रमा एवम् प्रदेशको केन्द्रलाई आधुनिक सडक सञ्जालले जोड्ने प्रतिबद्धता जनाएको छ । उसले पोखराका सबै सडकहरुको स्तरोन्नती गर्ने तथा वडा नम्बर ७ र १५ जोड्ने तथा वडा नम्बर १५ र ३३ लाई जोड्नका लागि दोहोरो आवागमन गर्नसक्ने पुल निर्माण गर्ने भनिएको छ । लामेआहालदेखी बागमारा हुँदै छोरेपाटनसम्म तथा अन्य ठाउँमा आवश्यक बाइपास रोड निर्माण गर्ने उल्लेख छ । पोखरा उपत्यकालाई सडक सञ्जालले जोड्नका लागि रिङरोड निर्माण गर्ने बाम गठबन्धनले प्राथमिकतामा राखेको छ । बाटुलेचौर हुँदै अर्मलाबाट सिक्लेश निस्कने सडक बनाउने भनिएको छ ।

फलफूल तथा नगदेबालीको पकेट क्षेत्र बनाइने

बाम गठबन्धनले कृषितर्फ अर्मला, मौजा, काहुँ, भरतपोखरी, निर्मलपोखरी, भलाम तथा कृस्ती जस्ता ठाउँहरुमा फलफूल खेती तथा नगदेबालीको संरक्षण र विकासका लागि पकेट क्षेत्र घोषणा गरी उत्पादनमा जोड दिइने भनिएको छ । कृषि उपज तथा पशुधनको विमा गर्ने र कृषकहरुलाई प्राङ्गरिक खेती प्रणालीतर्फ प्रोत्साहन गर्न आर्थिक सुविधासहितका तरकारी तथा फलफूलका सामुदायिक खेती कार्यक्रम सञ्चालन गरिने प्रतिबद्धता पत्रमा जनाइएको छ । सहकारिता एवम् समुदायको प्रत्यक्ष संलग्नतामा कृषि एवम् पशुपालन तथा यसमा आधारित घरेलु र साना उद्योगहरुमाफपर््त बस्तु तथा सेवाका प्रवद्र्धन, गर्दै उत्पादन, वितरण र बजारीकरणलाई ब्यबस्थित बनाउने भनिएको छ ।

बाम गठबन्धनले उज्यालो नेपाल अभियान अन्तर्गत विद्युतीयकरणमा जोड दिदै सेती, कालीखोला, फुस्रेखोला, सुरौंदी खोलाबाट विद्युत निकाल्ने प्रस्ताव गरेको छ । फोहरबाट उर्जा तथा कम्पोस्ट मल बनाउने प्रविधियुक्त उद्योगलाई प्राथमिकता दिने भनेको छ ।

फेवाताल संरक्षणका लागि गुरु योजना बनाइने

ताल संरक्षण गर्ने, सेती नदी, सुरौंदी, फुस्रे, काली, फिर्के, भलाम खोलालगायतमा जैविक विविधता एवम् जलाधार क्षेत्रको संरक्षण, तटबन्ध निर्माणका योजना ल्याउने जनाएको छ । ति खोलाबाट सिंचाई गर्नका लागि कार्यक्रम ल्याउने प्रतिबद्धता जनाएको छ । फेवाताल संरक्षणका लागि दिगो विकासको गुरु योजना निर्माण गर्ने भनेको छ ।

माछापुच्छ«ेका जनताले भने यसटपक भोट वामलाई
जीत निश्चित देखियो ः जीवन
पोखरा,६ मंसिर
माछापुच्छ«े गाउँपालिका –१ कि आईतश्री पुन वुधवार विहान घरायसी काममै थिईन् । आमा नमस्कार म रामजी बराल वाम गठवन्धनलाई भोट दिनोस् भन्दै पिँढीमै टुप्लुक्क आईपुगेका केही नयाँ अनुहार देखेपछि उनले कुन पार्टी हो ठम्याउन सकिनन् । उमेरले ७५ वर्ष टेकेकी उनलाई आमा हामी कम्युनिष्ट पार्टी एमाले र माओवादीलाई भोट दिनुपर्छ यसपालि भन्न नपाउदै उनले एकछिन वस्न आग्रह गरिन्् । “हाम्लाई त यसपालि साह्ै खुशी लाग्यो वावु । रेडीयोमा नेताहरु मिलेको सुनेम् तपाईहरु पनि मिलेर आउनुभयो । वुढावुढीलाई भत्ता दिने र देशविकास गर्ने पार्टी एउटै हुँदा अव त हाम्रो गाउँमा झन् विकास हन्छ जस्तो लागेको छ ।”
माछापुच्छ«े २ भराभरीका जीतवहादुर पुन पनि कम्युनिष्ट एकताले खुशी लागेको र अव वल्ल देशको विकास हुने ठान्छन् । गाउँमै खेतीकिसानी गर्दै आएका उनी यसपटक वाम उम्मेदवारलाई भोट दिएर जिताउने सल्लाह गाउँमा भएको सुनाए । “देश त कम्युनिष्टले नै होनी विकास गर्ने । यसपटक त भोट सूर्य र हसियालाईनै हो । देश विकास भएपछि हाम्रा पनि दिन आउँछन् ”। प्रदेशसभा सदस्य निर्वाचन क्षेत्र नं ३(१) का उम्मेदवार रामजी प्रसाद बराल(जीवन)ले पहिलो चरणको घरदैलो अभियानले आफु उत्साहित भएको वताएका छन् । वुधवार सम्म आफ्नो क्षेत्रको पोखरा १९ पुरुन्चौर वाहेक सवै क्षेत्रमा पुगि सकेका जीवनले मतदातावाट प्राप्त सकारात्मक हौसला र वाम गठवन्धनले जनतामा पैदा गरेको उत्साहले जीत निश्चित देखिएको प्रतिकृया दिए ।
गत कार्तिक २० गतेवाट चुनावी अभियानमा निस्किएका वरालले मंगलवार र वुधवार माछापुच्छ«ेको करुवा, मिर्सा, टुसे, रुम्जा मा घरदैलो गर्दै भोट मागे । उनले सार्दिखोलाका समेत भराभरी तथा चौरमा घरदैलो सम्मपन्न भएको माओवादी केन्द्रका युवा नेता भानुभक्त अधिकारीले वताए । अव पुरुन्चौर र सार्दिखोलाका केही भागहरुमा मात्र पुग्न वाँकी रहेको उनको भनाई छ । निर्वाचन परिचालन कमिटिका संयोजक दीपक पौडेलले वामगठवन्धनले गर्दा यसपटक गाउँ गाउँका जनतालाई समेत उत्साहित वनाएको पाईएको वताए ।

थापाको घर दैलो वडा ३३ मा

कास्की क्षेत्र नं २ प्रदेश १ का वाम गठबन्धनका उम्मेदवार कृष्ण थापाले घरदैलो कार्यक्रमलाई तिव्रता दिएका छन् । उनी आज भरतपोखरीको पौवा, फिलिङ्गे, सुर्ताने, काजीपोखरी, जामुने भञ्ज्याङ लगायतका स्थानमा घरदैलो कार्यक्रममै व्यस्त रहे ।
मतदाता समक्ष उपस्थित हुँदै थापाले जनताको आवश्यक माग सम्बोधन गर्ने बताए । ‘हामीलाई जनताले नै जिताउने हो,’ उनले भने, ‘त्यसपछि जनताकै लागि काम गर्ने हो ।’ थापासगै सोही क्षेत्रका समानुपातिकतर्फका उम्मेदवारहरु सिर्जना शर्मा, भीमबहादुर कार्की र अशोक बुढा छन्त्याल र पोखरा–३३ का शिव आचार्य जनतासँग भोट माग्न पुगेका थिए । विहीबार भरतपोखरीकै बाँकी स्थानमा घरदैलो कार्यक्रम रहेको अनेरास्ववियु जिल्ला कमिटी कास्कीका पूर्व उपाध्यक्ष तथा उम्मेदवार थापाका सहयोगी रामराज पौडेलले बताए ।
खगराजलाई भोट माग्दै दिपक बेगनासमा
लेखनाथ,६ मंसिर ।
बाम गठबन्धन तर्फ कास्की क्षेत्र नं १ प्रतिनिधी सभाका साझा उमेदवार खगराज अधिकारीलाई भोट माग्दै प्रदेश सभा क का उमेदवार दिपक कोईराला अधिकारीको जन्म गाउ बेगनास पुगेका छन् ।
पुर्व स्वास्थ्य मन्त्री समेत रहेका अधिकारी चुनाव प्रचार प्रसारकै सिलसिलामा बुधवार मादीगाउ पालिकाको सैमराङ र भाचोक क्षेत्रमा रहेको अवस्थामा बाम गठबन्धनका साझा उमेदवारहरुको पक्षमा भोट माग्दै कोईराला अधिकारीको जन्म गाउ बेगनास पुगेका हुन् ।
आफना नेता तथा कार्यकर्ताको ठुलो समुहमा बेगनास पुगेका कोईरालालाई बेगनासबासीहरुले भव्य स्वागत गर्दै बाम गठबन्धनले जितेमात्र यो क्षेत्रको विकास हुने विश्वास दिलाउदै विजयीको अग्रमी सुभकामना दिएका थिए ।
यसै विच प्रदेश सभा क का उमेदवार दिपक कोईरालाले बुधवारै रुपा गाउपालिका वडा नं २ को थुम्कीमा चुनाव प्रचार प्रसार कार्यालयको उद्घाटन गरि गाउबाट सहरसम्मको पौच बढाउन शडक मार्गको स्थर उन्नती गर्नुपर्ने आवस्यकता रहेको विचार राखेका थिए ।
कार्यक्रममा कास्की क्षेत्र नं १ क का संयोजक बिजयबाबु बनवासी,सह संयोजक विनय थापा, समनुपातीक तर्फकी उमेदवार गायत्री गुरुङ,रुपा गाउपालिकाका अध्यक्ष नवराज ओझा,माओवादी केन्द्रका केन्द्रिय सदस्य लालमोहन तिवारी, बामपन्थि नेता निर्मला क्रान्ती,गणेश बहादुर थापा र गोकर्ण तिवारी लगाएतले आफनो धारणा राखेका थिए ।
अन्नपूर्ण ५ लुयरावासीको प्रतिवद्धता—“वाम गठबन्धनलाई भोट पक्का”

कास्कीको अन्नपूर्ण गाउँपालिका वडा नं ५, लुयरा सल्यानका वासिन्दाहरुले संयुक्त वाम गठबन्धन कास्की क्षेत्र ३ का प्रतिनिधि सभा सदस्यका उम्मेदवार जगत विश्वकर्मा र कास्की ३ प्रदेश सभा ख का उम्मेदवार राजीव पहारीलाई जिताउने आश्वासन दिएका छन् ।
आज सोही ठाउँमा आयोजित चुनावी घरदैलोको क्रममा स्थानीयहरुले उनीहरुले एउटै स्वरमा भने—“पटक पटक रुखमा भोट दियौं केही गरेनन्, यसपटक वाम गठबन्धनलाई भोट दिन्छौं ।”
सो अवसरमा बोल्दै प्रतिनिधी सभा उम्मेदवार विश्वकर्माले गाउँको विकासको लागि गाउँकै व्यक्तिले केन्द्रमा प्रतिनिधित्व गर्नुपर्ने बताए । यसो हुन नसकेको खण्डमा गाउँमा आउने वजेट गाउँको विकासमा नभई अन्यत्रै जाने भन्दै आफ्नो ठाउँको व्यक्तिलाई मत दिएर विजय गराउँन उनको आग्रह छ ।
प्रचार अभियानकै क्रममा दलित वस्तीमा पुगेका उनले दलितका मुद्धालाई आफुले प्राथमिकतामा राखेर काम गर्ने बताए । दलित भएकै कारण पिछडिएको बस्तीलाई आफुले माथि उठाउन पहल गर्ने र हालै देखिएका वस्तीका समस्याको समाधानमा तुरन्तै लाग्ने उनको भनाई छ ।
कार्यक्रममा कास्की ३ प्रदेश सभा ख का उम्मेदवार राजीव पहारीले आफुले यस क्षेत्रको विकासका लागि सदैव तयार रहने बताए ।
वामगठबन्धनकी समानुपातिक उम्मेदवार दुर्गा विकले दलितले भोग्नुपरेका समस्याहरुलाई प्राथमिकतामा राखेर काम गर्ने बताईन् । उनले देशमा जारी भएको संविधानको अक्षरंश कार्यान्वयन गर्नका लागि पनि वाम गठबन्धनका उम्मेदवारहरुलाई सुर्य र हसियाँ हथौडामा मतदान गरी दुई तिहाई बहु मतले जिताउँन आग्रह गरिन् ।
कार्यक्रममा वाम गठबन्धन चुनाव प्रचार प्रसार संयोजक एवं नेकपा एमाले कास्कीका कार्यवाहक अध्यक्ष दामोदर वैरागीले अहिलेको चुनावमा वाम गठबन्धनको बुहमत आईसकेको बताउँदै दुई तिहाई मतको ल्याउनको लागि सम्पूर्ण गाउँवासीलाई वाम गठबन्धनका उम्मेदवारलाई मतदान गर्न आग्रह गरे ।
प्रचार प्रसार कार्यक्रम नेकपा माओवादी केन्द्रका केन्द्रिय सदस्य गोविन्द अधिकारी, नेकपा एमाले साविक क्षेत्र नम्वर ४ का अध्यक्ष विष्णु केसी, जमान सिंह, नेकपा एमाले प्रदेश नम्वर ४ विभाग सदस्य बुद्धिमान गुरुङ, जिल्ला सल्लाहाकार परिषदका सदस्य दुर्गादत्त ढुङाना, नेकपा माओवादी केन्द्रका जिल्ला कमिटी सदस्य दिपेन्द्र गिरी, नेकपा एमाले क्षेत्रीय सचिवालय सदस्य महेश्वर दवाडी, अर्जुन केसी, विजय केसी, बलराम विक, अनेरास्ववियु केन्द्रिय सदस्य आर्शिवाद सुवेदी, भरत गुरुङ कोने र अनेरास्ववियु जिल्ला कमिटीका अध्यक्ष शेखर गौतमको टोलीसहित ढावा, झोवाङ, गिरीचोक, नयाँपुलमा पुगि आजको घरदैलो अभियान सम्पन्न भएको छ । आजको कोणसभाको अध्यक्षता चुनाव प्रचार प्रसार समिती वडा नम्वर ५ का संयोजक दानबहादुर केसीले गरेका थिए ।

LEAVE A REPLY