कमल सुबेदी

बैशाख १८ पोखरा | बैशाख ३१ गते हुने स्थानिय तहको निर्वाचनका लागि कांग्रेसले  मेयर र उप मेयरका लागि उमेद्धारको टुंगो लगाएको छ । काग्रेसले  लेखनाथ महानगरपालिकाको मेयरमा नरेश शंकर पालिखे र  उपमेयरमा चन्द्रावति पौडेललाई उमेदवार तोकेको छ । काग्रेस जिल्ला समितिले सिफारिस गरेकाहरुबाट केन्द्रिय समितिले उमेदवारको टुङ्गो लगाएको हो ।

नेपाली कांग्रेसको क्षेत्रीय समितिले जिल्ला समितिलाई पोखरा लेखनाथ महानगरपालिकाको मेयरमा ३३ र उपमेयरमा १५ जनाको नाम सिफरिस गरेकोमा सबै नाम जस्ताको त्यस्तै केन्द्रिय समितिमा पठाइएको थियो । कांग्रेस स्रोतका अनुसार कास्की क्षेत्रनम्बर ३ बाट सिफारिमा परेका पालिखे र क्षेत्रनम्बर १ बाट सिफारिस भएकी पौडेललाई उमेदवार बनाउने निर्णय भएको हो । यद्यपी चयन भएका उमेदवारको औपचारिक घोषणा भने गरिएको छैन ।

त्यस्तै नेकपा एमालेले पोखरा लेखनाथ महानगरपालिकाको लागि मेयर र उपमेयरको उमेदवारको टुङ्गो लगाएको छ । एमाले स्थायी समितिको बैंठकले सोमवार मेयरका लागि  मान बहादुर जिसी र उपमेयरमा मञ्जुदेवि गुरुङलाई उठाउने निर्णय गरेको हो ।  एमालेमा मेयरको आकांक्षी धेरै भएपछि एमाले कास्कीले मतदान गरेर नै धेरै मत ल्याउने दुई र एक महिला उम्मेदवार सिफारिस गरेको थियो । उक्त मतदानमा जीसीले सर्वाधिक मत पाएका थिए ।जिसी एमाले बैकल्पिक केन्द्रिय सदस्य तथा  जिल्ला कमिटि कास्कीका पुर्व जिल्ला अध्यक्ष समेत हुन् ।  त्यस्तै उप मेयरकी उमेदवार गुरुङ अखिल नेपाल महिला संघ कास्कीको अध्यक्ष एबं जिल्ला कमिटिको सदस्य हुन् ।

त्यस्तै गरि यो समचार तयार पार्दासम्म माओबादी केन्द्रको मेयर र उपमेयरमा अझै  टुंगो लागिनसकेको माओबादी स्रोतले जानाकरी दिएको छ । त्यस्तै राप्रपाले पनि मेयरमा गीता गुरुङ र उपमेयरमा रमेश खत्रीलाई अघि सारेको छ ।

 

LEAVE A REPLY