काठमाडौं, चैत २२ । कोलम्बियामा लगातारको वर्षासँगै आएको बाढी र पहिरोमा परी दुई सयभन्दा धेरै व्यक्तिको मृत्यु भएपछि राष्ट्रिय संकटकाल घोषणा गरिएको छ ।

मोकोएमा गएको पहिरोमा परी मृत्यु भएका पहिलो व्यक्तिको अन्तिम संस्कार गरेलगतै राष्ट्रपति आन म्यानुएल सान्तोसले देशमा आर्थिक, समाजिक तथा पर्यावरणीय संकटकाल घोषणा गरेका हुन् ।

नेपाली समय अनुसार शनिबार बेलुका गएको पहिरोमा दुई सय ६२ जनाको मृत्यु भएको पुष्टी भएको छ ।

उनीहरुको सबैको सामूहिक श्रद्धाञ्जली सभा पनि गरिएको छ । पहिरोमा हराएकाको खोजी र राहतको काम चलिरहेको छ ।चार सयभन्दा बढी मानिस घाइते भएको घटनामा दुई सयभन्दा धेरै अझै हराइरहेका छन् ।

घटनाको ७२ घण्टा बितिसकेकाले हराएकाको जीवितै उद्धार गर्ने सम्भावना टरेको रेडक्रसले जनाएको छ ।कोलम्बिया सरकारले पहिरो प्रभावितको सहयोगका लागि एक करोड ३९ लाख अमेरिकी डलर खर्च गर्ने घोषणा गरेको छ ।

@एजेन्सी

LEAVE A REPLY